تبلیغات
گروه تئاتر کتل تبریز
دوشنبه 30 مرداد 1385

   نوشته شده توسط: حمید بالغ    نوع مطلب :یادداشتهای روزانه ،

 

حكایت خرس قولدور باسان

یازان :  مرحوم میرزا فتحعلی آخوند زاده

كؤچوْرن :  بهمن پور تقی


خرس قولدور باسان

یوننو تمثیلی گزارش، عجیب كی كیفیتی، اوچ مجلس دَ بیان اولوب اتماما یِتور

افراد اهل مجلس :

۱- دیوان بَی

۲- كمالو، اونون دیلمانجی

۳- مشدی قربان

۴- تاروردی، اونون اوغلی

۵- پرزاد، اونون قارداشی قیزی

۶- نجف

۷- ناماز

۸- زلاخا، اونون آروادی

۹- بایرام، جوان اوغلان

10- ولی، خاتون اوغلی

11- اروج، نصیب اوغلی

12- سونا پرزادین گایناناسی

13- ووخا ( كدخدا )

14- ماتاوی قزاق

15- فرانس فوخت ( حافظ حیوانات )

16- كریم ( یاساول ( پلیس ) )

17- َرَكَمَلر ( ایلات ) و قزاقلار

بیرینجی مجلس :

«بیرینجی مجلس واقع اولور درَنین ایچیندهَ بیر بویوك ..............

حكایت خرس قولدور باسان

یازان :  مرحوم میرزا فتحعلی آخوند زاده

كؤچوْرن :  بهمن پور تقی


خرس قولدور باسان

یوننو تمثیلی گزارش، عجیب كی كیفیتی، اوچ مجلس دَ بیان اولوب اتماما یِتور

افراد اهل مجلس :

۱- دیوان بَی

۲- كمالو، اونون دیلمانجی

۳- مشدی قربان

۴- تاروردی، اونون اوغلی

۵- پرزاد، اونون قارداشی قیزی

۶- نجف

۷- ناماز

۸- زلاخا، اونون آروادی

۹- بایرام، جوان اوغلان

10- ولی، خاتون اوغلی

11- اروج، نصیب اوغلی

12- سونا پرزادین گایناناسی

13- ووخا ( كدخدا )

14- ماتاوی قزاق

15- فرانس فوخت ( حافظ حیوانات )

16- كریم ( یاساول ( پلیس ) )

17- َرَكَمَلر ( ایلات ) و قزاقلار

بیرینجی مجلس :

«بیرینجی مجلس واقع اولور درَنین ایچیندهَ بیر بویوك پالاد آغاجینین دیبیندهَ كی پرزاد اتوروب داش اوستوندهَ. یانیندا قیوراق ( شیك پوش ) گینمش و یاراقلانمیش ( آراسته به تفنگ ) بایرام گوْزون اونا دیكمیش»

بایرام : آخر كی بو پالاد آغاجینین آلتیندا مَنهَ مُیسر اوُلدی كی سنین ایلَه گوروشوب دانیشیب اورَییمی بوشالدام نیهَ گئری ( عقب ) باخیرسان.

پرزاد : آی آمان گورخورام.

بایرام : گورخما. من سنی چوخ ایلَمَنَم ( ساخلامارام ) ایندی پرزاد مَنَه دِ گوروم سن گِداجاقسان تاروردیهَ بیر تات ( طایفه آدی ) آروادی اولاجاقسان سونرا قیزلار ایچیندَه گوُوَناجاغسان كی. گویا سنین دَ اَرین وار.

پرزاد : نهَ اِیلیم اَلْمدَن نهَ گلیر. آتام اولوب دیر بیر آنام ایلهَ گالمشام عمیمین اختیاریندا گارداشیم یوخ. بیر كَسیم یوخ. عمیم ایستَمیر كی منی اوزگَیَه وِرسین آتامنان گالان سوُرونی ایلخینی اوزگَیَه تاپْشیرسین.

بایرام : بس معلوم اولور كی عمین سنی آختارمیر آنجاق سنین سورون ایلخینی آختاریر اونون اوچون ایستَییر سنی اوُز اوغلینا او تاجیك ( گورخاق ) اوغلانا وِرَ كی عمریندَه بیر سِرْچَه وُروُرمی بیر گوُزو اوغورلاندیغی یوخدیر.

پرزاد : نهَ ایلَییم یازینی پوزماغ اولماز. هلبت منیم دَ گاباغیمدا بِلهَ یازیلمامیش كی گرك من تجیك ( گوخاق ) آروادی اوُلایدیم.

بایرام : یعنی نهَ تجیك آروادی اوُلماقدانسا اوزونی بو كوُلهَ ( خاكستر ) تَلْلَیب بوغولاسان بو دَیلمی.

پرزاد : البتّه یوزگات بوغولماغیم تاروردیَه آرواد اولماغدان یَیْدور سَنْنَن چَكینیرَم اگر سن رصخت وِِرسَن بیر گون بو دادیلا بیر دَردیلَه اوزومی ساغ گویمانام.

بایرام : آلّاه. اِلهَ مَسین سُوز گَلیشی مَن بِلهَ دِییرَم سَن اولمیاندان سونرا داخی من نیهَ دونیا اوزونلهَ گَزَرم سنین اولومون هچ واخت راضی اولابیلمَرَم و تاروردیَه دَ آرواد اوُلماغینا تابلاشمارام چون او صاباح بیر گوُلهَ تاروردنین بوُرینهَ وُرارام سونرا اوزوموندهَ باشیما هر نهَ گلسَ گولَ سَن.

پرزاد : بس اِلَدهَ بیر گولهَ دَ مَنه وور مَنی دَ اولدورسَن دَن سونرا من داخی نیَه گورك دونیادا ساغ گالام.

بایرام : سَن نَه اوچون ساغ گالمیاسان. سن ساغ گالارسان سونرا باری بیر باشقا آبیرلی وُران. ییخان اوغلانا گِدَرسَن هچ اولماسا تای توش تعنَه سی چكمرسَن.

پرزاد : آی بایرام آلّاهی سِوْرسَن منیم اورَییمی گانا دوندَرمَه منیم اوز دردیم اوزومَه بس دیر اگر من وُران ییخان اوغلانا نَصیب اُولمادیم سَنَ نصیب اُولدوم.

بایرام : مَنَه نصیب اولماغین اُوز الیندَه دیر اگر ایستَسن.

پرزاد : نِِجَه اوز الیمدَه دیر.

بایرام : بِلَه كی مَنَ ایزن وِرسنی گوتوروم گاچیم.

پرزاد : هارا؟

بایرام : قارا باغا، ایروانا، باشقا اوزاخ یِرَه.

پرزاد : (بوراز فیكیر اِدیر ) خیر آنام راضی اولماز آنامین گوزونین آغی قاراسی بیر مَنَم، منی اوزاغا آپارسان آنامین گوُنی قارا اولار.

بایرام : بس گوُی سَنی آپاریم ماهالیمیزین اوبیری باشینا.

پرزاد : اه. اُو بوش ایشدیر. عمیم دولتلی، زورلی كِشی دیر بو یاخیندا هچ واخت منی سنین الیندَه گویماز. باشینا یوزمین گالما گال آچار اوستونَه تقصیر یاخار دیوانا سالار نَه بیلیم نَه ایلَرْ.

بایرام : بس نجه گرك اولسون گدسن تاروردیه آرواد اولاسان من دَ گراخدان باخام.

پرزاد : به شرطی كه تاروردینی اولدورمَك اولمیا.

بایرام : یاخشی اولدورمَك اولماسْن بِلَه اولا كی تاروردی بُورادان اوزاقلاشا اوزگه یِرَ دُوشَه

پرزاد : یاخشی بونا من راضیام.

بایرام : بس دور گِت ناماز آروادی زلاخانی بورا گوندَر گلسین. اونونلا دانیشیم.

پرزاد : بوساحاتدا گوندَرَرم.

( گِتمَك ایستیر )

بایرام : ( الینی توتوب ) بیر دایان سوز دانیشیرام.

پرزاد : نَه دِئیرسَن؟

بایرام : آ ظالیم مَنیم اُورییم اُود توتوب آلیشیب یانیر.

پرزاد : بس نِجَه اِیلیم؟

بایرام : باری اودیمَه بیر آز سو سَپ گِت.

پرزاد : او دور سو گاباغیندا. چایدان آخیر ایچ نَه قدر ایستیرسن.

بایرام : منیم اورییمین یانگوسی سو ایلَه سونان یانگو دِئیر.

پرزاد : بس نَه ایلَه سونار.

بایرام : بیر جوت اوپشیلَه.

پرزاد : ( الینی دارتیر ( توتور )) اه بس دیر. سن آل‍ّاه هَلَه زارافات ( شوخی ) وقتی دَئیر گوی گدیم ایندی منیم دالیمجا گَلَن اولار.

( بایرام اونون بوینون گوجاغلیب بیر جوت اوپوش آلیر بوراخیر. پرزاد توولانا، توولانا اوبایا گِدیر )

بایرام : ( دالیسیجا ) زلاخانی تِز گوندَر. بُوردا گوزت لْیرَم ( یالقوز – تك ). آخ تاروردی، تاروردی گمان اِ دیرسن كی آخیر پرزادی گویاجاغام سَنَ گِدَ؟ بو گَدَ غریبَه آخماق دیر. بیر فیكیر اِلَه میر كی آخیر نَه هُنریم وار مَن بایرام ایلَه میدانا گیریم؟ اونون كیمی آتا بیلیرَم وُرا بیلمَرَم. ایكی آتین آرپاسین بوْلَه بیلمرم. آدیم بیر گوچاقلیقدا سویلنمَیب، بیر قولدورلوغدا چَكیلمَیب عُمرُم دَ بیر آت اوغورلامامیشام بیر اوكوز گوُمامیشام گِجَه واختی گورخودان آلاچیقین چاتانیندان باشیمی دیشگاری چیخارا بیلمَنَم اوَرَك ایلَه نِجَه بایرام كیمی آدامین سِوْگولیسینَه گوز دیكیرَم والّاه اگر پرزاد ایزن وِِرسَه بیر گون اونی ساغ گویمارام.

(بو حالدا زلاخا دالسی طرفدن )

زلاخا : سلام علیكم. بایرام كیمی ایله گوپ ( خالی بندی ) ایلیرسَن.

بایرام : (دالی چوورلیب ) آ زلاخا سَن سَن كی ایله گوپ الیرَم؟ تاروردنین گاراسینجا ( پشت سر ) سویَلَیرم.

زلاخا : تاروردی سَنَه نه ایلیب دیر.

بایرام : داخی نَه ایلیجك دیر. گونومو قارا اِلیْب صبر و قراریمی كسیب دیر نه گوندوز دینجَله بولورَم نه گِجه یاتا بیلیرَم. آز گالیب دَلی، دیوانه اولوب مجنون كیمی داغا – داشا دوشم. كرم كیمی آلیشام یانام.

زلاخا : آخیر نیه. نه سَبَبیله.

بایرام : او سبب له كی بو تَجیك بومایماغ ایستر كی پرزادا اَر اولسون سن آلّاه زلاخا دوغور سُویله پرزاد كیمی قیز هچ واردیمی كین بِله تجیكَ گَله.

زلاخا : كیم دِئیر كی پرزاد تاروردیه گِدَجَك دیر؟ پرزادین اورَیین من بیلیرم او سَنْنَن باشقا بیر آدام اولسادا گِتمَز تاروردیه اونون گوزوندَه چیبینجه ( مگس ) دَ گوركمور.

بایرام : بونلان نه حاصیل كی تاروردی اونون گوزونده چیبینجه دَ گوروكمور. اما چیبین شیرنیَه حریص اولان كیمی تاروردی پرزادا حریص دیر بو چون صاباح دیر آتاسی مشدی قربان، كبینین كسدریب وِرَجَك.

زلاخا : قیزین گویلی اولماسا نِجه اونی اَرَ ورمك اولار.

بایرام : اه زلاخا. نه دانیشیرسان؟ الهی سورسن قیز اوشاغینین الیندن نه گلجَك؟ اونون خاهیشین كیم باخاجاق؟ اولاً بیر آز آف – توف اِلیر، سونرا چارسی كسیلر. تن قزایا وِِریر آنجاق من آه – زار. ایله دردَ گرفتار گالّام.

زلاخا : بس سنین فكرین نَدور؟

بایرام : منیم فیكریم بودور كی ایندی دَن باشیمین چارسین گورم تاروردنی آرادان گوتورم.

زلاخا : یعنی اونی اولدورَسَن.

بایرام : یوخ اونا پرزاد راضی اولمور من اوزوم دَ صلاح گورمورم اولدورمَكْدَن نه حاصیل؟ من اوزوم دَ گانلی قاچاق اولام پرزاد منیم الیمدَن دَ چیخار.

زلاخا : دوغرو دِئیرسن بس نجه تاروردنی آرادان گوتورمك ایستیرسن.

بایرام : باخ مَنَ. نجه اونی آرادان گوتورمك ایستیرم. او سیزَه چوخ گلیرسنین كیشین ناماز ایله چوخ گزیر. اگر سن و ناماز مَنَ كمك ایلیب بیر ایش اِیلْیَسیز اوزومون كُرد آتمی باغیشلارام نامازا و بیر یانی بزولی اینَك دَ سَنَ وررم.

زلاخا : دوغوردان بیر اینَك.

بایرام : شكسیز شبهَه سیز.

زلاخا : یانیندا دا بیر بزُوو.

بایرام : بلی بزویله اینان كی دوغور دِئیرم.

زلاخا : بیز نه گرك اِدَك.

بایرام : مثلاً تاروردینی بیر باهانا ایله اِوْنیزَه چاغیراسان ایناندرْنْ كی پرزاد سندن اوتوری بی اختیار دیِر آمّا سَنَ گلمیه. تای توشوندان گورخور اوندان اوتوری كی دئیر دی سن بیر تجیك و گورخاق بیر آدام سان هامی بیلیر كی سنین الیندَن هیچ بیر( ایش ) بیر اوغورلوغدا بیر قولدورلیغدا بیر قوچاقلیغدا آدین چكلمیب لر آتماغین معلوم دیر وُرماغین معلوم دَئیر هانسی قیز سنین كیمی اوغلانی سوُور سَنْ دَ بیر هنر گوستر بیر آدام سُوی پول گتور پارچا گتور یا بیر آت اوغورلا یا بیر مال اوغورلا دِسین لر كی فلان كین كیمی اَری وار تاروردی آخماقدور بو سوزلرین هامی سینا ایناناجاق سارساقلیق اِدیب اوزون سالاجاق خطا بالایا پرزاد قالاجاق منه.

زلاخا : والّاه. یاخشی فیكیر اِدیسن سنین كیمی اوغلاندان اوتورو گرك چالیشیم.

بایرام : دورست آنلادمی دِ دئیم سوزلری؟

زلاخا : خاطر جمع اُل.

بایرم : سونرا هر نه اولسا منه بلندَررسَن؟

زلاخا : گِدیب دیوان بَی خبر وِرجَكسن.

بایرام : یوخ چوغول لوغ پِشه سینی اُوستومه گوُتور مَنم. ایش اوزی اوز باشینا آچیلار آنجاق من ایسترم خبردار اولام اورَییم بیر آز توختیار.

زلاخا : چوخ یاخشی سونرا هر نه اولسا سَنَ بیلندریم. ایندی گدرم ایشیم وار مال گلن وقت دیر.

بایرام : گت آل بو یایلیق دا سَنَ پشكاش اولسون.

زلاخا : با نه یاخشی یایلیق دیر ایچیندَه كی نه دیر؟

بایرام : ایچیندَه كی. چیشمیش دیر اونودا ور اوشاقلارینا.

زلاخا : آ كیشی. اوغول سنین كیمی اولماق گرك! سنین گادان دیْ سین تاروردینی بویرَینه عمریندَه اونون الیندن من چوروك آلما دا آلمامیشام ساغلیق. ایله. گال. مرادینه تیوش.

( گدر )

بایرام : ( دالیسیجا ) وعدنی اونود مایاسان

زلاخا : ( گدری . دونوب ) سن دَ بیر اینَك ( گاو ) دِمیسن. سَن دَ اونوتما.

بایرام : بعلی. بیر سودلی چینیس اینك كی مثلی اولمیا.

زلاخا : یانیندادا بزووی.

بایرام : البته بزوویله.

زلاخا : آ كشی سنین كیمی قوچاق اوغلانی سومَمك اولورمی؟ ساغلیقله گال شاهبازم.

بایرام : گِت خوش گلدین. آلّاه. ایندی نه گایریم؟ گدیم دَردَ باری اُو زاد دان آختاریم. بیر آز فیكیرمی داغیردیم.

( وضع تاماشا خانا تغییر تاپیر ناماز اویندن سرعتی برپا اولور ناماز و زلاخا )

ناماز : سن دئیرسن كی بو ایشدن اوتور بایرام اوزونون كُرد آتینی مَنه باغیشلیا جاقدور.

زلاخا : شك سیز باغیشلیا جاقدور.

ناماز : آغلیم كسمیر بایرام اَلّی ( پنجاه ) قیزل منیم یانیمدا سانادیلار. كورد آتینی ساتمادی. اُنو، مَنَه پشكاش الرمی؟

زلاخا : پرزاد دان اُتوری او ایندی جانیندان گِچیر. آت مال نه شی دیر؟

بایرام : بلكه آلّا دا سونرا، وِرمیَه؟

زلاخا : آلّادماز بایرام، تانیمیرسان؟ اونون كیمی گوزل. سوزو بوتون اوغلان تامام اوبادا وارمی؟

ناماز : یاخشی اولدی. من اوزوم دَ ایستردیم كی تاروردینی بیر خاتایا سالام آتاسی مشدی قربان منه برج وردیی پولونو، اوستومه یاساول گوندوروب آلدی مَنَ دَ اونا بیر هایف چكمسم اورییم دینجلمَز.

زلاخا : داخی نیه دورورسان؟ بِله فورصت اولورمو؟ نمیات اولارسان همیت آلارسان هامیا هایف چكرسن. تاروردی یاخیندا دیر. گِت چاغیر. گلسین بیزدَه چورك ییمَیَه سونرا من هامی ایشی دوزلدَرم.

ناماز : عجب دِئیرسَن والّاه گِدرم.

( گدر )

زلاخا : ( یالقوز ) والّاه اگر تاروردی منیم سوزلریمدن قولدورلیغا گِتسَ بیچارنین هچ تقصیری یوخدور. او نیلسن كی بو ویران اولموش اولكنین قیزلاری قولدورلیغ، اوغورلیغ باجارمیانی سومیر لَر دیوان بی ( بیك ) دِیَن گرك كی بیچاره گَدَ لَری نیه. اوغورلوغدان قولدورلیغدان اوتوری اینجیدرسن؟ باجاریرسن اولكمیزین قیزلارینا قاداغان ایله كی قولدور اولمایان اوغلانلاردان زحللری گِتمَسین. اوندا مَن ضامین كی گورد گویون ایله اوتلایا.

( بو حالدا ناماز تاروردیه ایچَری گیریر )

ناماز : آی آرواد نَیین وار گتیر آجیق میشیق!

زلاخا : بیه. نَییم اولاجاق؟ آجمیش دنیز و نیه تاروردی گیله گِدب چورك یِم دینیز، منیم اوستومه گل دنیز ؟

ناماز : هر نیین وار گتید. اوزون دانیشما.

( گدر.اون بوجاغیندان یاراغلانیا. باخماغا مشغول اولور )

زلاخا : آغشاما داخی بیر زاد گالمیاجاغ دیر.

تاروردی : آی زلاخا نه گاییم اولوبسان.

زلاخا : نیه گاییم اولماییم ؟ سندن مَنَ نه خیر گورمیشم. باری بیر دیلینَ گتیرسن كی تویومدا سَنَ بیر زاد باغیشلارام.

تاروردی : نجه توی (عروسی).

زلاخا : توی بیلمیرسن؟ تویوندا دِ گورم منه نه باغیشلیاجاغ سان؟

تاروردی : یاغشی اوندا سن بیر جوت باشماغ باغیشلارام گوررم چوخدان آیاغیالین گزیرسن.

زلاخا : (اوزون كنارا توتوب) نجه میردار سَقّت آدام دیر ( قایم سسلَه ) ساغ اول چوخ راضیم ! تویون . تِزمی باشلاناجاق؟

تاروردی : پاییزدا

زلاخا : نیه بله گِج.

تاروردی : پرزاد یوباندریر. دِئیر. هَلَه. جهیز حاضیر دَییل.

زلاخا : دوغور دانمی؟ بلكه باشقا سبب وار.

تاروردی : نه باشقا سبب اولاجاغ.

زلاخا : بلكه قیز سنی سوو میر؟ اورییی اوزگسنه باغلی دیر؟

تاروردی : اه بو نه دانیشیر! قیز منی سووئیر. غریبه سویلیرسن نجه قیز منی سوومَز.

زلاخا : یعنی سن . دیندهَ چوخ زاد. سان نیه گرك سنی سِوَسن عمریندَه نه بیر ایش توتوبسان نه آد چیخار دیبسان كی قیزلار سنی سِوسین لر؟

تاروردی :نه آد چیخارد میشام؟

ناماز : آرواد نه دانیشیرسان نه ایشین وار.

زلاخا : سسین كَس سن لیك زاد یوخدور.

تاروردی : ناماز سن لیك زاد یوخدور. دوغرو دئیر. یاخشی زلاخا سوویله گورك من نه آد چیخارد مامیشام یعنی نه آد چیخار داجاغام.

زلاخا : هچ اوغورلوغا گدیب سنمی؟

تاروردی : خیر اوغورلوغا گِدمَمیشم یوخدور نه دَن اووتوری اوغورلوغا گدَجاغام؟ اوزومین دولتیم. مالیم. آزدرمی؟

زلاخا : دولتین . چوخدور. آمّا قولدورلیغین یوخدور هچ بیر آدام سویوب سان. هچ بیر آدام وریب سان؟

تاروردی : خیر. نه آدام سویمیشام نه آدام ورمیشام سیبرَهَ گدن لری. دارا چكیلن لری گوزوم گوورمور.

زلاخا : گوچاخ آدام هچ زاد دان گورخماز! چكینمز گورخاخ هامی دَئیر. سن گورخاقسان تجیكسن.

تاروردی : كیم دِئیر.

زلاخا : هامی دئیر. آروادلار. قیزلار. كشیلر. حتی بالاجا اوشاقلار دا. هامی حیف سیلنی لر كی تاروردی نجَه گوزل اوغلان دیر هچ تایی یوخدور. امّا چه فایدا گورخاق دور یاس سر دیر.

تاروردی : كیم دیر من گورخاقام؟ هچ وقت گورخاق دِیلم بیراز چكنن. احتیاطلی آدامام ... یوخسا من دَ گورخاقلیق هاردا ایله.

ناماز : آی آرواد بس دیر آز دانیش.

زلاخا : سن كس سسینی. ایشین یوخدور.

تاروردی : آكشی. سن له نه وار؟ دینمه سن. گوروم بو آرواد نه دانیشیر؟ بس بله هَ؟ پرزاد اونون اوچون مَنَه. گلمك ایستیر؟ دیرلر كی من گورخاقام ؟ والّاه. آجیغیم ایله توتور كی ایستیرم. بو ساحات دَ یولا دوشم گدم آدام سویام. هامیا بیلندیرَم كی منیم. حقیمدَه ناحاق گومان اِدیب لر.

زلاخا : هنرینی گوستر. گورك. آدام. دیلیندَه چوخ زاد دَئیر.

تاروردی : سن بیر یِر نشان ور من بوساحاتدا یولا دوشوم.

زلاخا : دوش شاماخی یولونا. بش یوز سوودا كار گلیب گدیر. بیرین یكسین سوی ملین گتیر. گورك كی دوغوردان گوچاقسان یا لوگالیق اِدیرسن.

تاروردی : گورسن سوودا كار طایفاسی یاراقلی اسبابلی بولاچیخیر. یا ایله بوم بوش.

زلاخا : بله توتاق كی یاراقلی اسبابلی اولاردار. سن كی آغاجلا قاباغلارینا. چیخمیاجاغام. البتّه سنین دَ یاراق اسبابین اولاجاق.

تاروردی : معلوم كی. اولاجاغ آمّا تك گتمَك بیر آز چتین دِیلمی.

زلاخا : سن دَ یولداش گوتو. بیزدَه آزمی گوچاق اوغلان وار. اه سن هارا بله ایش هارا.

تاروردی : من هارا بله ایش هارا؟ والّاه گوررسن كی دوغرو دئیرم ناماز بورا گل. سن الّاه مَنَه یولداش تاپ.

ناماز : یولداشی نِینیرسَن؟

تاروردی : گزمَیَه گدَجاغام.

ناماز :آكیشی. بوش. بوش دانیشما. سنّن كاروان وران اولماز.

تاروردی : والّاه دوغورو سوزوم دور. یولداش تاپ.

ناماز : سارساق سویلمه. من صلاح گورمورم. سنین ایشین دَئیر.

تاروردی : آكِشی نه تَوْر آدام سان؟ سنین نه ورجینَه سن مَنَه یولداش ور سونرا گور كی. ایشیم دور یا یوخ.

ناماز : چون كی اَلَ چكمرسن ولی، خاتون اوغلو. اوروج، نصیب اوغلونو چاغریغ آپارارسان.

تاروردی : اِلَه ایكی جَسینی؟

ناماز : ایكی جسی سبدور.

تاروردی :دوغوردان سبدیر. اولسون. دْیْ آدام گوندر اولاری چاغیرسین.

ناماز : زلاخا گِت اولاری بورا چاغیر.

زلاخا : آكِشی. سن اونون سوزونَه نَه اینانیرسان؟ تامام. او لوگالیق ادیر.

ناماز : كس سسین. تاروردی كیمدن. اَسكیك. اگیدیر؟ الی گولومو. اوزگه لَرین گیندن گیچیك دیر.

زلاخا : من اونی تانیمیرام؟ او هچ واخت بو ایشَه گیرینشمَز.

تاروردی : مَن گیریشمَنَم. گوررسَن نِجه گیریشَریم. گِت اولاری تِز چاغیر سونرا معلوم اولار.

زلاخا : یاخشی گدَرَم ( اوزون كنارا توتوب ) آخماق هامی سوزوموزَه ایناندی. انشاء اﷲ گِدَجَك ( كبر ).

ناماز : (آهسته ) باخ. تاروردی. اگر. بختین یار اولسا هچ نه گتیرسن گرك اوزون برابری منه دَ پای ورسن ها. عیب دیر مندَن گیزدنمك گتیر دینیز شیلرین باشین باتیرماغ ایزن ایتیرمك. منیم بوینیما به شرطی كه هچ زادین منه یاری پای اولسون.

تاروردی : اِه. مچید تیكلممیش كور عصاسین دایادی هَله گوی گورك نه اولار.

ناماز : آ كِشی سنین الیندن نه گلمز؟ من آخماق آرواد طایفاسی دیلم كی تانیمیام. مگر سن آیی ( خرس ) امیر اصلانین نوسی دِئیلسن.

تاروردی : ناماز سَن آلّاه. اونون. ایشلریندن اشیدیبسن كی نَلر ادیب لر.

ناماز : هچ اشیتمَمیشم؟ صفر داییم اونون دوستی دیلیدی؟ ایشلرین بیر ییر مَنه ناغل اتمیبلرمی؟ انشاء اﷲ. بیزدَه اولار كیمی. بیر - بیریمیزی سِوَجَییك. اُمیدیم بو دور كی الینَه توشن اُو وْیْ ( آهو ) مندن گیزلمیسن.

تاروردی : اولسون. تا كی. بیر پارا آداملار منیم حقیمی دَ چوروك ( پوچ ) سوزلر دانیشما سینلار. من ایله هامیسینی سنه وِرَرَم. من كی. پول. مال. دردینده دییلَم.

ناماز : هامیسینی منه وررسَن؟ والّاه عجب دئیرسَن. بَرَ كالاه! ایندی بیلدیم كی داماریندا امیر اصلان گانی وار وعدنی اونوتمایاسان.

تاروردی : آ كِشی سن یولداش ور آخیرینه باخ.

ناماز : اودور. یولداشلارین گلیرلر.

( بو حالدا زلاخا ولی خاتون اوغلی و اروج نصیب اوغلی داخیل اولورلار )

ولی و اروج : سلام علیكم.

ناماز : علیك السلام.

ولی : ناماز، نه وار خیر اولا. بیزی نه چون چاغیردیبسان؟

ناماز : تاروردی توقع ادر كی، اونون لا، گزمَیَه گِدسینیز.

اروج : نجه گزمَیه.

ناماز : داخی نه سوروشماخ؟ گزمك دْیَنْدَه اوزون اوزون بیلَرمیش؟

ولی : من عُمریمدَه گزمیه گدیْم یوخدور گویون – گوزو. اوغورلوغیندان باشقا منیم الیمدن بیرزاد گلمَز. اروجو بیلمیرم.

اروج : من جَئیز - یْیْیرم منیم هاواق قولدورلوغا گدمییم وار؟ من هچ گویون – گوزو اوغورلوغودا باجارمارام.

ناماز : اولان. نه دانیشیرسینیز؟ مگر ایكی دئیرسینیز؟ تفنگ آتماغ بیجرسینیز.

اروج : تفنگ آتماغ بیلَریك اودا اُوا. قوشا. آداما تفنگ آتماغ نه بیزیم ایشیمزدیر؟

ناماز : كیم سیزَ دئیر كی آداما تفنگ آتین آتلانارسینیز. چیخارسینیز گزمَیَه. یا ارمنی ( بازرگان ) بزیر گانلاری راست گَلَر گویا گورخوتماق چون باشلارینی اوستونه تفنگ بوشالدارسینیز بوندا هچ بیر ضرَر یوخدور اولار گورخوب هَرَ بیر طرفه گاچاجاق مالّاری یولّاری توكولوب گالاجاق ییقشدرب. گوتوروب گایدر سینیز نه چتین ایش دیر؟

ولی : اه. بیز هارا. بِله ایش هارا؟ بیز بیر چوبان آدامیخ بیزَه قولدورلیغ نه یاراشار.

تاروردی : ناماز بورا گَل. بیلرسینمی. جیر ایلَمَه گورورسن كی گورخولّار. داخی نیه گیسنیرسان؟ هامی منیم كیمی كی اولمیاجاق دیر؟ بوراخ گتسینلر.

ناماز : خیر. گوی گوریم. ولی. عایب دَئیل باش گاچاریرسینیز. آرتیغ تیكه مگر باش یارار. اولاً مالینیز پولونوز آرتار. ایكینجی آد سان چیخاردار سینیز.

اروج : سان؟ من جئیز ییرم ( سرخ كرده ) منیم نیمه گركدور آد سان؟

ولی : بعلی بو كچل اروجا آدسان چوخ لازیم دئیر.

ناماز : آ گَدَ. نه غیرت سیز آدام سینیز. تاروردی ایله هچ دوز چورَك ( نان ) داد سینیزمیز؟ مگر سیز بیلمر سینیز كی بیزیم اوبا میزدا بوندان دولتلی آدام یوخدور. سیزین همیشه وِجینیزَه گلمزمی؟ آز آدمّی اونان خیر گوروب؟

تاروردی : ناماز نیه گیسنیرسان؟ گوی گوروب من اوزوم دَ هَله بیر آز فیكیر اِلَمَك ایستیرم.

ناماز : خیر نمك بهراملیغ ادیلر كچیك ( كوچك ) اولان گرك بویونون ( بزرگ ) سوزونَه باخا.

ولی : اروج نه دئیرسَن؟ گِدَكمی.

اروج : نه بیلیم. والّاه. گِدَرسن گِدَك.

ولی : آ كِشی اولار كی بیر آت باهاسی. الیمیزَه دوشَه ایكی ایل دیر. كی آت ایستیرم آلام پول تاپمیرام.

ناماز : البته آت باهاسی دا الینیزَه دوشَر! بِله خیر دَن آدام گاچارمی؟

ولی : دخی نه اِدَمك چون كی. تاروردی چارا سیز خاهیش اِدیر. اونون سوزی. سینین جا دُشمنین بُویُونُو. سین سین من حاضیرمی.

اروج : من دَ حاضیرمی یولداشدان آیرلماغ كی. اولماز.

تاروردی : آمّا بیر دروست فیكیر اِدین.

ناماز : ( اونون سوزون كسیب ) تاروردی سوزدَن راضیی لیغ اِدیر وَ توقِع اِدیر كی فورصتی فوتا وِرْمَیب. گِدیب یاراقلانیب گَلَسینیز گَزمَك اوچون بِله یاخشی واخت اَلَه دوشمَز.

ولی : اروج گِدك.

( گِدیلْلَر )

تاروردی : ناماز بیلیرسَن بیرزادی لاپ اونودوغ منیم آتام بیر مشدی كِشی دیر هچ راضی اولارمی. كی مَن قولدورلوغا گِدم.

ناماز : آ كِشی آتاندان رصخت آل. گِت.

تاروردی : عجب دانیشیرسان. آتاما دِئیم كی. منه رصخت وِر قولدورلوغا گِدَم.

ناماز : الَه نه دِئیرسَن؟ دِ كی. آراندا. تاخیل سورماغا گِدَرم. البتّه رصخت وِرَجَك دیر. سونرا چیخ پشت یولونا. داخی نه وار بوندا؟

تاروردی : هچ بوندا نه وار.

ناماز : یعنی بوندان آسان نه وار.

تاروردی : عجب آسان زاد تاپْمیسان؟ من والّاه. آنجاق آتاملان گورخورام اِوْ جَهَت دَن. بو ایش منه چوخ چتین گلیر.

ناماز : آدام كی گورخاق اولدی بو توور ایله بهانه گَتیریر. گِتمیرسَن اوزون بیل.

( بوحالدا زلاخا داخیل اولور )

ناماز : زلاخا گَت اوشاقلارا دِ كی چوخ جَفا چَكمَسینلر تاروردی گیریلندی.

تاروردی : مَن كی دِمَدیم گیریلییرم.

زلاخا : من بو ساحاتدا پرزاد ایله گوروشدوم هامی ایشی گورتاریب پیچیلدادیم. نجه سِویندی. نجه سُوویندی دِدی كی ایندی البتّه شوكور. داخی دِمَزلر كی تاروردی گورخاقدی بوندان سونرا من اوتانمانام دِئیم كی اونو سِوْرَم. بو واختا تك تامام قیزلار منه تَعنَه اِدر دی هَر بیری سینی گورَندَه باشیمی آشاغا سالّیردیم.

ناماز : آشكار زادیر كی. بیزیم. قیزلاریمیز هچ بیری اوغلانی سِوْمزدركی. آدام سویمامیش یول كسمَمیش اولا. اِله بیریسی بو زلاخا! آخیر بودا گُوزل سایلیردی.

زلاخا : آلّاهی سورسَن. اتیمیزی توكمه. آز دانیش.

ناماز : والّاه دوغرو دِئیرَم اِله بیریسی بو زلاخا مگر نه اولّدن. گلیردی اگر قولدورلوغا اَل گویماسایدیم؟ آرواد بِله دیرمی؟

زلاخا : یاخشی بسدیر.گچن ایش ایندی چوروك چولدی اِیلَیب دانیشماغ سنه گالیب دیر.

تاروردی : من گِتمَیه مضایقه اِلَمیرَم آمّا اوستومدَه هچ بیر یاراق یوخدور بیلمیرَم نجه اِدیم. یاراق اوچون اِوَ گِتسَم. آتام دویاجاق دیر.

ناماز : اِوَ نیه گِدیرسَن منیم گلینجمی تفنگیمی. تاپانجامی گوتور خانجال دَ كی آز بِلیندَه وار گوی من سنی گیندریم. یاراقاندریم.

( باشلاین یاراقلاری اونون اوستونه تاخماغا )

تاروردی : داخی باشقا نه گوتوروم؟

ناماز : اولان بسدیر. بولار ایله قوشون. گیرْماغ اولار. داخی آرتیخ نَیین گرك دیر؟

زلاخا : بای مان ( بی ایمان ) تاروردی. نجه هیبت لی اولدون؟ سنی گورن كیمی آداملار قاچاجاغلار.

( بو حالدا ولی و اروج داخیل اولورلار )

اروج : بیزدَه حاضیریغ.

تاروردی : گِدَكمی؟

ناماز : گِدین. گِدین اوغورونوز خیر اولسون اَلیدولو گاییدا سینیز!

زلاخا : تاروردی. پرزاد ایله گوشا ( جفت ) گارییاسان ( پیر شدن ) چوخلو اوغول، قیز گورسن. اوغانلاریندا سنین كیمی گوچاغ اولسون.

تاروردی : غَم ایلَمَه. اولاجاغلار. شك سیز. اولاجاغلار. یا صاف آدیمی باتیرام یا آدام سویمامیش. گائیت میاجاغام.

( گدیلر )

ناماز : زلاخا بیلیرسینمی. من. سرتلَشدیم كی تاروردی هر نه گتیرسه یاریسین. منه وِرسین.

زلاخا : تاروردی. یانی پرزاد گَتیرجك دیرمی. كی. یاریسین سنه وِرَه؟ سن نیه بِله خام خایال اولورسان؟ شَك یوخدور كی اونون. گُوْل، گیجی. اَزیب پولا سالاجاغلار.

ناماز : خیر. كیم بیلیر. اونون كی اوغورنا بیر خیر گَلَه گورخاق همیشه اوزوندن گورخاقا راست گَلَر. آخیر دا ایش نجه گورتارسا. بیزیم خیریمیزَه دیر. بیر طرفدن آت. بیر طرفدن دَ پول.

( گِدیر اَلین اُووشدورا. اُووشدورا )

( پرَدَه سالینیر )

ایكینجی مجلس :

«واقع اولور شمس الدین ماحالیندا دَرَنی ایچیندَه كی بیر طَرقْدَه تَپَه داخی ظاهر دیر»

بایرام : ( یالقوز ) آ كِشی بودا اِله دوشمور. نه بیر جیران وار. نه بیر توراج

( قوش )، بیر دوشان دا بیر راست گلمیر كی بیر تفنگ آتام. اورَییم داریخیر. نه یامان بَختیم وار. منیم توتالیم ( آرا. سوزو ) كی پرزاد منی سِوَر. الیندَن نه گَلجَك؟ عَمی سینین اَمریندن چیخامی بیلجَك. تامام اوبانین عُهدَه سینین گلمی بیلجَك؟ قیز طایفا سینین خاهیشینه مگر بیزلردَه قولدورلوغمو آسارلار؟ امید یوخدور ایقبالیم گَتیرمیجك زلاخا اِدّّیْیْ وعدنی بیتیرمیه جرأت اِدَ بیلمیجك. ناماز بیر طاماحكار شیطان فیكیر آدام دیر. هچ واختدا تاروردی كیمی دولتلی اَله سالماغ ایستَمیجَك. پروردگارا نجه اِدیم بو دَردَ نجه تابلاشیم نه تٌُوور صبر ادیم نجه آدام توتوم نجه بو غصّه دَن دینجَل بیلیم؟ آخ نه خیشیلتی سَسْی گلیر؟ گرك كی بو كولون ( بوته ) دالیسیندا دیر. جاناوار اولاجاغ گِدیم بلكه گولَه ایله وورا بیلیم. اِله بیلیم كی. تاروردینین بویرینی گوله وُرورام.

( گِدیب )

( بیر آز سونرا تاروردینین یولداشلاری ایله یِتیشیب. بیللرینی ( پشت ) اَییب سونرا سینه سینه اویانا – بویانا باخیرلار )

تاروردی : هس هس. احتیاطلی اولون گرك كی یولدان گلن وار.

اروج : وار وار. آت آیاغینین تاپْپیلتسی گلر. ولی تفنگین چاغماغین یوخاری آیاغا گووزا كی. هامیمیز بیردَن تفنگلرینی بوشالداغ.

تاروردی : دایانین. دایانین بِله بیلمیرَم كی تفنگ آتماساغ یاخشی دیر.

ولی : نجه تفنگ آتماساغ یاخشی دیر؟ اوندا نجه سویماغ اولار؟ سونرا گرك اَلی بوش اوبایا گاییداغ. تامام خالقی اوستوموزَه گولدورَك.

تاروردی : نه سبب خالق اوستوموزَه گولجَك؟ دیریك كی یولا چیخدیق. چوخ گوزَتْلدیك، هچ كَس راست گلمدیك.

ولی : بونا هچ كس اینانماز. من بویون اِدَ بیلمَنَم.

تاروردی : اِله بیلمَزسَن. بس من دَ كمك سیز فقیر فقرانین اوستونه توكوله بیلمَنم! من بله گناه ایشَه گوشولمیاجاغام! آدامدا رحم مروّت یاخشی شی دیر. دوغروسو بودور كی من گایداجاغام من گالمیرام گِدیرَم.

ولی : یاواش عزیزْم چوخ گِج باشا دوشوسن آلّاها آند اولسون آگر آیاغ گِئری ( طاقت سیز ) گویاسان شیطانینی چكیب گارنینی توستو ( دود ) ایله دولدوررام سارساغ بالاسی سارساغ اُوزون یالواریب بیزی بورا گتیرمیسین ایندی بیزی گویوب گتمك ایستیرسَن؟

تاروادی : من كی سیزی گویوب گتمك ایستمیرَم من سیزین خیرینیز اوچون دِییرَم كی گئری دونك بلكه یول آدامی بیزدَن چوخ اولدولار بلكه بیزیم كیمی گوچاغ آداملار اولدولر توكومُوزو توكوب. گُول ( دست ) گاناتیمیزی ( بال ) گیرالار.

ولی : قوشدان قورخان داری اكمز. ایندی بو فیكیرلری اِلمَك وقتی دَئیل یولدان اوُتونلاری گرك ایلیك سن دَ بیزیم ایله گرك بیر یِرْدَ اولاسان یوخسا گوررسَن ایستیرسَن صاباح مالمی بیزَه قوُلدورَسَن؟ آیاق گیری گویاسان. بوتون تفنگی سنه بوشالداجاغام.

( تفنگ اوناساری چُوورور )

تاروردی : الّاهی اكبر. بیزَه گورخاق دِمسینلر دِئین گرك اوزوموزو بلایا سالاغ؟ آ گارداش بیرجه گولاغ آس منه گور نه دِئیرَم سن گوچاغلیغی لاپ غلط آنلاییرسان. هچ بیلیرسینمی گوچاغلیغی ایكیلیك نه دیر؟ اگید لرین باش چی سی گورخلو دِیبلر كی اِگید لیك اوندور دورغوزو گاچماغ دیر بیریسی هچ گُوزَ گورونممك من دِئیرَم كی. بو ایكی ایشین هانسینا عمل اِدیر سینیز، اِدین.

ولی : بس دیر. چوخ وَعدَه وِرمه گورور سنمی یوخاریدا بیر زاد گالالیر؟ او یولدان گلن اولاجاق دیر.

تاروردی : ( ایلیب باخیر ) دوغوردان گلن وار گُورَسَن كیم دیر؟ والّاه گلیر! بیلیر سینیزمی. سیز گاباغا گدین من سیزین دالینیزی ساخلییم.

ولی : بَلی سَنَ چوخ اومود باغلاماغ اولار. اروج. گاباغدا گِدَك. گورَك كیم دیر گلَن. ای تاروردی والّاه. اگر گاچاسان اوبانین ایچیندَدَه حقینَه فیكیر چكَرَم اوزون بیل.

( تاروردی و سونرا نمسه فوك )

تاروردی : دْیْ گور سو گلیلیین آخییری بِله اولار. هچ فیكیریم دَن گچیردی كی قولدور اولاجاغام یول كسَجایام عالمَه زلزله، ولوله سالاجاغام. پروردگارا. سِوگی نه یامان اولارمیش.

فوك : م