تبلیغات
گروه تئاتر کتل تبریز - اونودا بیلمه یه جک سن...
شنبه 5 اردیبهشت 1388

اونودا بیلمه یه جک سن...

   نوشته شده توسط: یعقوب صدیق جمالی    

سن سیز ائله بیلمه اوله جه یم من

قارا بیر کده ره دونه جه یم من

گئجه لر یوخونا گله جه یم من

سن منی اونودا بیلمه یه جک سن.

 

عومرونده ناراحات ایزیم قالاجاق

آلوووم سونسه ده کوزوم قالاجاق

آرخانجا همیشه گوزوم قالاجاق

سن منی اونودا بیلمه یه جک سن.

 

سن ائله بیلمه کی غمدن اوزاق سان

عومرونو گونونو اودوزاجاق سان

اوزونو بلکه ده اونوداجاق سان

سن منی اونودا بیلمه یه جک سن.

 

منی اونودماغا عینادین کیمی

ایلک سئوگی آغری سی فریادین کیمی

لاپ اوز آدین کیمی سوی آدین کیمی

سن منی اونودا بیلمه یه جک سن.

نصرت کسمنلی