تبلیغات
گروه تئاتر کتل تبریز - سنی اونوتسام...
جمعه 4 اردیبهشت 1388

سنی اونوتسام...

   نوشته شده توسط: یعقوب صدیق جمالی    

من سنی اونودا بیلمیرم آخی

اونوتسام نه لری اونودام گره ک

گویلره باخمیشیق آیلی گئجه ده

اونوتسام گویلری اونودام گره ک.

دنیزی اونودوم یا دالغالاری

خاطیره ن یادیمدان چیخایدی باری

پاییزدا خزانی قیشداسا قاری

باهاردا گوللری اونودام گره ک.

دیءنئجه اونودوم من سنی نئجه

سئوگی دورنا دئییل پاییزدا کوچه

یوخوما گلیرسن منیم هر گئجه

آیلاری ایللری اونودام گره ک.

سنین خیالیندیر حسرتله باخان

آدیندیر هر ساعات قارشیما چیخان

قاریشیب شکلینه گوزومدن آخان

یاغیشی سئللری اونودام گره ک.

سینه مده پئشیمان اوره ییم قالدی

اوچدون اللریمده لله یم قالدی

نه لری ایتیریب باخ نه ییم قالدی

نه لری نه لری اونودام گره ک.

نصرت کسمنلی