دوشنبه 17 فروردین 1388

حئییف او سئوگییه...

   نوشته شده توسط: یعقوب صدیق جمالی    

او یالانچی ایللر گونه دیمزمیش

گول وئردیم وئردییم گوله دیمزمیش

گوزومده چاغلایان سئله دیمزمیش

حئییف او سئوگیه او محبته.

بیر دفعه اوره کدن گوله بیلمدیم

کونلومو کیمسه یه وئره بیلمه دیم

سندن باشقاسینی سئوه بیلمدیم

حئییف او سئوگیه او محبته.

سن سیز گئجه لریم یوخو بیلمه دی

ایچیمده آلیشان آهی بیلمدی

من بیلدیم سن بیلدین چوخو بیلمدی

حئییف او سئوگیه او محبته.

اوزومون اوزومدن آجیغیم گلیر

دوستلاریم کدرلی دوشمنیم گولور

اولن سئوگیمیزه یازیغیم گلیر

حئییف او سئوگیه او محبته.

(نصرت کسمنلی)


شبکه اجتماعی فارسی کلوب | Buy Website Traffic | Buy Targeted Website Traffic